Photo Special Prize – Ħela u Ħsara

submitted by Alison Schembri St Benedict College Tarxien Girls' Secondary
filed under Photos


Minn żmien għal żmien, fid-djar tagħna nirċievu bosta magażines u karti b’ messaġġi promozzjonali. Ħafna kumpaniji jużaw dan il-mezz ta' komunikazzjoni bil-għan li jżidu l-bejgħ jew jesponu xi ogetti ġodda fis-suq. Tgħid il-bejjiegħ u l-konsumaturi huma konxji ta’ kemm dan huwa ta’ qerda fuq l-ambjent? Bil-ħajja mgħaġġla tal-lum, naħseb li ftit huma dawk li jaqraw jew jiftħu dak li jkunu rċivew. Nemmen li ħafna jarmuhom, mingħajr ma biss ikunu fetħuhom. Din hija ħela ta' karti u wkoll qerda fuq is-siġar – sors importanti li jnadfu l-arja mniġġsa tagħna. Anke jekk ammont konsiderevoli minn dawn il-karti jiġu rriċiklati, il-ħsara tkun saret xorta waħda għax ir-riċiklaġġ minnu nnifsu jsarraf f’enerġija. Li kieku nevitaw il-Ħela u l-Ħsara, il-generazzjoni futura tkun tista’ tgawdi minn ambjent ahjar bhal ma forsi ġa gawdejna aħna!